Sagan endurtekur sig?
Símtal við móður mína, 18. apríl 2003.
Elín: Ykkur getur ekki verið alvara. Lóð?
Mamma: Hún er á rosafínum stað í Hafnarfirði. Akkúrat niðri í miðbæ.
Elín: Þið gerið ykkur grein fyrir því að ef að þið kaupið lóð verðið þið að byggja annað hús.
Mamma: Þetta er nú bara svona til gamans gert, það eru engar líkur á að við fáum þetta. Við erum bara að sjá hvað gerist.
Elín: Langar ykkur virkilega að eyða næstu milljón árum í áframhaldandi byggingarvinnu?
Símtal við móður mína, 18. ágúst 2008.
Elín: Ég trúi ekki að þið hafið gert tilboð. Þið eruð galin.
Mamma: Þetta er náttúrlega gamall sumarbústaður, það væri gaman að eiga heima þarna, flottur staður.
Elín: Já, en er húsið ekki ónýtt? Pabbi sagði það. Ætlið þið að byggja annað hús?
Mamma: Þetta er nú bara svona til gamans gert, það eru engar líkur á að við fáum þetta. Við erum bara að sjá hvað gerist.
Elín: … ég hef heyrt þennan áður.
Ég held að foreldrum mínum vanti eitthvað þægilegt og róandi hobbí, eins og fallhlífarstökk eða rallíakstur.
Jú okkur vantar sannarlega þægilegt róandi hobbý, eins og t.d. barnabörn ! kv. P og M
Ég talaði við mömmu þína í dag – hún tók þig á orðinu og er búin að panta tíma í fallhlífarstökk … en veit ekki hvað pabbi þinn ætlar að gera
En þú veist að þau eru ofvirk, er það ekki?
kv. gl
Hæ, Hvar er meira blogg ?? Maður heyrir svo sjaldan frá þér.
kv. gl